زهد قلبي

فمان الله يا جرحٍ لبث في الصدر خمس اعوام

فمان الله يا كسرٍ بقلبي حان تجبيره 

فمان الله ما باقي بعمر الذكريات ايام

خذت ألفين يوم بْ عمري فْ شرّه وفي خَيره 

فمان الذكرى.. يا حبٍ عثر عزمي وهدّ احلام

وسلب منّي صدوق احساسي وْ عيّشني بْ حيره 

انا لليوم اقول اللي حصل ضربٍ من الاوهام

وانا منهو لعب به طاري الماضي وتأثيرة 

انا حبيتها ثلثين عمري عام يردف عام

ولا عاد بْ بقايا العمر قلبٍ يسمح لغيره 

زهد قلبي عن الفزّه.. وعن لذّة سنينه صام

الا وافي خفوقي بعد خيبه ويش تفسيره ؟!

تجاوزت الكثير وْ باقيٍ لي لحظة استفهام

الا وشلون بعد العمر اقول فراقها خِيره ؟؟

 عبدالمجيد آل زياد -